ᐃᓄᖏᑦ ᑕᒪᓂ ᓄᓇᑦᑎᐊᕚᓗᒻᒥ ᐃᓕᓐᓂᒃ ᐅᑕᖅᑭᕗᑦ ᑐᙵᓱᑦᑎᑦᑎᕗᑦ ᖁᖓᓲᖑᓪᓗᑎᓪᓗ ᑐᙵᓇᖅᑐᕐᔪᐊᕌᓘᓪᓗᑎᒃ ᖃᐅᔨᑦᑕᐅᑎᒋᓂᐊᖅᑐᑎᑦ ᑕᐃᒫᒃ ᐊᑐᕋᔪᑦᑕᓐᓂᒃ ᐊᐅᓪᓚᓲᖑᒐᓗᐊᕋᕕᑦ ᐊᑐᔾᔮᖏᓐᓂᕐᓂᒃ.
ᐃᖃᓗᐃᑦ ᐊᖏᔪᖅᑳᖃᕐᕕᒻᒪᑦ ᑲᓇᑕᒥ ᓄᑖᖑᓂᕐᐹᖑᓪᓗᓂ ᒐᕙᒪᖃᕐᕕᐅᓪᓗᓂ, ᓄᓇᕗᒥ, ᐊᒻᒪᓗ ᑕᒫᓂ ᐃᓂᖃᖅᑐᓂ 313 ᑭᓛᒥᑕᓂᑦ ᖃᓂᒋᔭᑦᑎᐊᑯᓗᐊᓂ ᓂᒋᐊᓃᑦᑐᒥᒃ ᐅᑭᐅᖅᑕᖅᑑᑉ ᑭᓪᓕᖓᓂᒃ ᐃᓱᖃᓂ ᑕᓯᐅᔭᕐᔪᐊᖓᑕ ᕿᑭᖅᑖᓘᒻᒥ. ᐃᓄᐃᑦ ᐃᓕᖅᑯᓯᖃᐅᑦᑎᐊᖅᑐᑦ ᑕᐅᓴᓐᖏᓐᓃᑦᑐᓂᑦ ᐊᕐᕌᒍᓂᑦ ᐃᓕᖅᑯᓯᖅᑖᕆᓯᒪᔭᖏᓐᓂᒃ. ᓴᓇᐅᒐᕗᑦ ᓄᓇᕐᔪᐊᕐᒥᐅᓕᒫᓄᑦ ᖃᐅᔨᒪᔭᐅᑦᑎᐊᖅᑐᑦ ᐅᓂᒃᑳᖃᓲᖑᒻᒪᑕ ᑕᒪᒃᑮᓐᓂᒃ ᒫᓐᓇᓕᓴᕐᓂᑦ ᐊᒻᒪᓗ ᑕᐃᔅᓱᒪᓂᕐᓴᓂᑦ ᐱᐅᓯᕆᔭᐅᔪᓂᑦ ᓄᓇᑦᑎᓐᓂ. ᑕᑯᓂᐊᖅᑐᑎᑦ ᐊᖏᔫᑎᓂᑦ ᐃᑉᐱᓇᖅᑐᐊᓗᓐᓂᑦ ᓴᓇᐅᒐᕐᓂᑦ ᐃᓄᓕᒫᓄᑦ ᐅᐸᑦᑕᐅᒐᔪᑉᐸᑦᑐᓂᑦ. ᐊᒥᐊᒐᕐᓂᑦ, ᓴᓇᐅᒐᕐᓂᑦ, ᒥᕐᓱᒐᕐᓂᑦ ᓄᕕᕐᓴᒐᕐᓂᓪᓗ ᓇᓂᓯᕕᔅᓴᖅ ᓂᐅᕕᐊᔅᓴᓂᑦ ᓇᒥᑐᐃᓐᓇᑦᑎᐊᖅ ᓂᐅᕕᕐᕕᕋᓛᖑᕙᑦᑐᓂᑦ, ᑕᑯᔭᒐᖃᕐᕕᓕᓐᓂᑦ ᓂᕆᕕᓐᓂᓪᓗ ᐃᖃᓗᓐᓂ ᓇᒥᑐᐃᓐᓇᖅ. ᐊᓪᓛᑦ ᐊᓐᓄᕌᕗᑦ ᓴᓇᐅᒐᐅᕗᑦ ᐊᒻᒪᓗ ᐊᒡᒐᒻᒧᑦ ᓴᓇᔭᐅᓯᒪᓪᓗᑎᒃ ᐊᓐᓄᕋᔾᔨᐊᖑᓯᒪᕗᑦ ᖃᐅᑕᒫᑦ ᐃᓅᓯᑦᑎᓐᓂᒃ ᐃᓚᒋᔭᐅᕙᑦᑐᑦ.
ᐊᒥᓱᓂᑦ ᐊᑐᕋᔅᓴᖅᑕᖃᐅᑦᑎᐊᖅᑐᖅ, ᖃᐃᓚᐅᕆᑦ ᐊᑐᕆᐊᖅᑐᕐᓗᑎᑦ ᕿᒧᔅᓯᒃᑯᑦ ᐃᖏᕐᕋᔪᐊᓗᓐᓂᑦ ᐅᕝᕙᓘᓐᓃᑦ ᖃᒧᑕᐅᔭᒃᑯᑦ ᓂᓪᓚᓱᓐᓂᖃᖅᑎᓪᓗᒍ -45 ᐅᓪᓗᒃᑯᑦ. ᐊᐅᔭᐅᑎᓪᓗᒍ, ᓯᕿᓐᓃᓐᓇᕈᔪᖃᑦᑕᓕᖅᑎᓪᓗᒍ, ᐊᐅᓪᓚᕐᓯᒪᔭᖅᑐᕐᓗᑎᑦ, ᐃᖃᓪᓕᐊᕐᓗᑎᑦ, ᖃᔭᖅᑐᕆᐊᖅᑐᕐᓗᑎᑦ ᐅᕝᕙᓘᓐᓃᑦ ᑲᔾᔭᐅᓴᕆᐊᖅᑐᕐᓗᑎᑦ ᓄᓇᖓᓂ ᐱᓱᕋᒋᐊᖅᑐᕐᓗᑎᑦ. ᐊᒻᒪᓗ ᑕᒪᒃᑯᐊ ᐊᓯᖏᓐᓂᒃ ᐊᑐᒃᑲᓐᓂᕈᒪᒍᕕᑦ, ᐊᖅᓴᕐᓃᑦ ᑲᔾᔮᕐᓇᕈᑎᒋᕙᑦᑕᖏᑦ ᐊᖅᓴᕐᓂᓕᔮᓕᕋᐃᒻᒪᑦ ᐅᑐᐱᕆᒥ ᐄᐳᓗᒧᑦ