ᐅᖃᕐᕕᖃᕆᐊᖃᖅᑮᑦ?
ᐅᕙᑦᑎᓐᓄᑦ ᐅᖄᓚᒋᑦ ᑐᑭᓯᑦᑎᐊᕈᒪᒍᕕᑦ ᐅᕝᕙᓘᓐᓃᑦ
ᑐᓂᓯᓗᑎᑦ ᐊᐱᖅᑯᑎᓐᓂᒃ ᖃᕋᓴᐅᔭᒃᑯᑦ ᑎᑎᕋᕐᕕᔅᓴᖅ ᐊᑐᕐᓗᒍ.

ᑐᓴᕋᔅᓴᑦ ᐊᐅᓚᑦᑎᔨᓪᓗᐊᑕᖓᓐᓂᒃ:

ᑐᙵᓱᒋᑦ!

ᐅᕙᖓ ᓗᐃ ᕆᐅᒪᐃᔪ,

ᐊᖏᔪᖅᑳᕆᔭᐅᔪᖓ ᐊᖅᓴᕐᓃᑦ ᑐᔪᕐᒥᕕᒻᒥ ᑲᑎᒪᕕᐊᓂᓪᓗ, ᑐᙵᓱᑦᑎᑦᑎᒍᒪᒐᒪ ᐃᓕᓐᓂᒃ ᑕᕝᕗᖓ ᐊᔾᔨᒋᔭᐅᙱᑎᐊᖅᑐᒧᑦ ᐱᐅᓂᕐᐹᓪᓚᕆᒻᒧᑦ ᓇᒻᒥᓂᖁᑎᒋᔭᐅᔪᒧᑦ.

ᖁᕕᐊᓱᓪᓚᕆᑦᑐᖓ ᐃᓚᒋᔭᐅᔭᕆᐊᔅᓴᖅ ᑎᒥᐅᔪᒧᑦ ᐱᙳᖅᑎᑦᑎᒍᒪᓯᒪᔪᒧᑦ ᐊᑑᑎᓕᒻᒥᒃ ᐃᖅᑲᓇᐃᔮᖑᖃᑦᑕᓂᐊᖅᑐᓂᑦ, ᐊᔾᔨᒋᔭᐅᙱᑦᑐᓂᑦ ᐱᓇᓱᐊᒐᐅᖃᑦᑕᓂᐊᖅᑐᓂᑦ ᐃᓄᓐᓄᑦ, ᐊᒻᒪᓗ ᐃᑲᔫᑎᖃᕐᓂᐊᖅᑐᓂᑦ ᓄᓇᕗᒻᒥ ᑮᓇᐅᔭᓕᐅᕋᓱᐊᕈᑕᐅᕙᑦᑐᓄᑦ. ᖁᕕᐊᓱᓪᓚᕆᑦᑐᖓ ᑕᒪᐅᖓ ᐊᑑᑎᑎᑦᑎᔭᖅᑐᕐᓯᒪᒋᐊᔅᓴᖅ ᐅᕙᖓ ᐊᑐᕐᓯᒪᔭᖏᓐᓂᒃ ᐃᓕᓯᒪᔭᖏᓐᓂᓪᓗ ᐃᖃᓗᒻᒥᐅᓄᑦ ᐊᒻᒪᓗ ᑕᒪᐅᖓ ᓈᒪᑦᑎᐊᖅᑐᒥᒃ ᐱᖅᑯᓯᖅᑎᒍᑦ ᐃᓄᓐᓄᑦ ᐃᓕᖅᑯᓯᖃᕐᕕᐅᔪᒧᑦ.

ᐊᖅᓴᕐᓃᑦ ᑐᔪᕐᒥᕕᒻᒥ ᑲᑎᒪᕕᐊᓂᓗ, ᐅᐱᒍᓱᑦᑎᐊᖅᑐᒍᑦ ᐊᑐᐃᓐᓇᐅᑎᑦᑎᔭᕆᐊᔅᓴᖅ ᓄᑖᓂᒃ ᐊᑐᖅᑕᐅᒐᔪᓐᓂᐊᓕᖅᑐᓂᒃ ᐊᑲᐅᔪᓂᒃ, ᑐᙵᓇᖅᑐᒥᒃ, ᓂᖅᑎᐅᕈᓯᕐᓂᑦ, ᑲᑎᒪᕕᔅᓴᓂᓪᓗ ᐱᓕᕆᓂᐅᖃᑦᑕᓂᐊᖅᑐᓂᑦ.

ᐃᖅᑲᓇᐃᔭᖅᑎᑦᑎᐊᕚᓗᑉᐳᑦ ᐊᖅᓴᕐᓃᑦ ᑐᔪᕐᒥᕕᒻᒥ ᑲᑎᒪᕕᐊᓂᓗ ᐊᖏᕐᓯᒪᑦᑎᐊᖅᑐᑦ ᑐᙵᓱᑦᑎᑦᑎᖃᑦᑕᕐᓂᐊᕆᐊᔅᓴᖅ ᐊᖏᕐᕋᕐᓯᒪᔫᔮᑐᐃᓐᓇᕐᓗᑎᑦ. ᖁᕕᐊᓱᑦᑎᐊᖅᑐᒍᑦ ᐱᔨᑦᑎᕐᓯᒪᒋᐊᔅᓴᖅ ᐃᑲᔪᖃᑦᑕᕐᓂᐊᕆᐊᔅᓴᕐᓗ ᐃᖅᑲᐅᒪᓇᑦᑎᐊᖅᑐᓂᑦ ᐊᑐᕐᓯᒪᖁᓪᓗᑎᑦ ᑕᒫᓂ ᑲᔾᔮᓇᖅᑐᐊᓗᒻᒥ ᓄᓇᑦᑎᓐᓂ.

ᖃᓄᐃᙱᑦᑎᐊᖁᓇᖅᑯᑎᑦ,

 

ᓗᐃ ᕆᐅᒪᐃᔪ

ᐊᖏᔪᖅᑳᖅ

  • For general inquiries and hotel information please use the form below. If looking to book a group or conference event, please email Sales@aqsarniithotel.ca

ᐃᖅᑲᓇᐃᔮᑦ

ᖃᐅᔨᒋᐊᕈᒃ ᕙᐃᔅᐳᒃᑯᑦ ᑐᑭᓯᒋᐊᕈᑎᖃᕐᕕᕗᑦ ᖃᓄᑐᐃᓐᓇᖅ ᒫᓐᓇ ᒪᑐᐃᖓᑎᑦᑎᔾᔪᑕᐅᔪᓂᑦ ᐅᕝᕙᓘᓐᓃᑦ ᓇᔅᓯᐅᔾᔨᓗᑎᑦ ᐃᖅᑲᓇᐃᔮᖅᑖᕋᓲᑎᓐᓂᒃ ᐅᕗᖓ ᑐᕌᖅᑎᓪᓗᒍ gm@aqsarniithotel.ca